Бившиот потпретседател на ДУИ и градоначалник на Гостивар, Невзат Бејта, кој беше дел од „огнената група“, вчера во Горна Река беше во придружба на претседателот на ДУИ Али Ахмети.
Бејта беше еден од водачите на „огнената група“ во ДУИ. Сепак Бејта, по најавите за основање на нова партија го напушти Изет Меџити и му се врати на Али Ахмети.
Вчера, во организација на културното друштво Горна Река се одржуваше манифестацијата „Средби на Горна Река“.
Неодамна собранискиот спикер Талат Џафери жестоко се спротивстави на враќањето на Бејта во ДУИ. „Како не му е срам да се врати во партијата по сите критики на јавните настапи“, изјави Џафери во интервју за ТВ 21.
