Александар Вучковски - сомелиер: Како македонските вина го освојуваат светот? ↓↓↓
Непрописното возење последниов период е главен причинител за голем број сообраќајни несреќи, од кои некои завршија трагично. Сепак, возачите особено во Скопје продолжуваат со таквата пракса.
Одделението за безбедност на сообраќајот при Секторот за внатрешни работи Скопје во текот на изминатата ноќ, во времето од 22,00 до 04,00 часот, спроведе акциска контрола за откривање на возачи кои ја пречекориле брзината на движење со моторно возило на подрачјето на Скопје.
Притоа санкционирани се 55 возачи кои ја пречекориле брзината, за што им се изречени исто толку мандатни казни. Откриени се 64 останати прекршоци за кои се издадени 27 мандатни платни налози и 37 прекршочни платни налози.
Одделението за безбедност на патниот сообраќај спроведе акциска контрола и за управување на моторно возило под дејство на алкохол на подрачјето на Скопје. Притоа санкционирани се 24 возачи за што им се изречени исто толку мандатни казни. Откриени се 79 останати прекршоци за кои се издадени 44 мандатни платни налози и 35 прекршочни платни налози.
