Диск голф го освојува светот, а го нема во Македонија!? ↓↓↓
Менаџерот на Манчестер Јунајтед, Жозе Мурињо планира да донесе пет нови зсилувања во летниот преоден рок, пренесуваат англиските медиуми.
„Специјалниот“ има намера да донесе двајца фудбалери за врска кои ќе бидат замена за Мајкл Карик и Маруан Фелаини, еден централен дефанзивец и два бека.
Што се однесува на средниот ред на списокот на Мурињо се наоѓаат неколку имиња, а на врвот на листата желби се Артуро Видал и Верати, а како алтернативи се споменуваат Фред од Шахтјор и Жоржињо од Наполи.
Главната трансфер цел во одбраната е дефанзивецот на Тотенхем, Тоби Алдервајлед, а некои медиуми тврдат дека Белгиецот веќе има постигнато договор со „црвените ѓаволи“.
Дани Роуз, Килијан Тирни и Алекс Сандро се главните фаворити да ја засилат левата бековска позиција, додека за десната бековска позиција најголема желба е Хектор Белерин од Арсенал.
Медиумите тврдат дека најмалку шестмина фудбалери ќе го напуштат „Олд Трафорд“ ова лето. Покрај споменатите двајца сигурни патници се уште Дени Блинд, Лук Шо, Матео Дармијан и Маркос Рохо.
