Уствари викендов е затишје пред бура! ↓↓↓
„Газета дело Спорт“ пренесува дека миланските гиганти Интер и Милан се силно заинтересирани за фудбалерот на Рома, Алесандро Флоренци.
Флоренци е дете на Рома и има договор со „волчицата“ до јуни 2019 година, но преговорите за продолжување на истиот се во застој.
Наводно Рома не може да ги задоволи финансиските барања на фудбалерот, кој бара 4 милиони евра по сезона, па таквата ситуација сакаат да ја искористат миланските клубови.
Флоренци е играч за врска кој може да игра и како десен бек, па доколку во наредните недели не стави потпис на нов договор Рома ќе биде приморана да го продаде.
Италијанскиот репрезентативец по вокација е играч за врска, но може подеднакво добро да игра и како десен бек.
„Газета дело Спорт“ тврди дека во моментов Интер е во предност за неговиот потпис, поради добриот однос кој го има Флоренци со тренерот Лучијано Спалети.
