Италијанските медиуми пренесуваат дека Милан сака дополнително да го засили тимот во јануарскиот преоден рок, а главна цел ќе биде играчот на Манчестер Јунатед, Андер Ерера.
„Росонерите“ се во потрага по играч за врска кој ќе може да биде алтернатива за Лукас Биглиа и сметаат дека токму Ерера би бил идеално засилување.
Шпанецот не добива голема минутажа кај Мурињо во последните две сезони, а неговиот договор истекува на крајот на сезоната и нема најави дека ќе биде продолжен.
Милан внимателно ја следи ситуацијата и наводно веќе стапил во контакт со неговиот агент, па е спремен да го донесе на „Сан Сиро“ уште во јануари.
„Црвените ѓаволи“ ќе бидат приморани да го продадат 29-годишниот играч за врска во јануари доколку сакаат да заработат, бидејќи Ерера на крајот на сезоната ќе замине како слободен агент.
#Milan – Ander #Herrera torna un obiettivo rossonerohttps://t.co/xgNpYr7WLF
— calciomercato.it (@calciomercatoit) September 5, 2018
