Диск голф го освојува светот, а го нема во Македонија!? ↓↓↓
Италијанскиот гигант Милан има проблеми со прекршувањето на финансискиот ферплеј (ФФП), па медиумите тврдат дека ќе се обиде да се „испазари“ со УЕФА.
Имено, „росонерите“ започнале преговори со Европската централа и ќе се согласат да паузираат една година од европскиот фудбал.
Милан обезбеди пласман во Лига Европа, но генералниот директор Иван Газидис побарал од УЕФА „росонерите“ следната година да не играат во Европа и со тоа да ја одработат казната.
Според последната одлука на УЕФА, Милан доби парична казна во износ од 12 милиони евра, ограничена група од 21 играчи за европските натпреварувања и исклучување од турнирите на УЕФА за период од 1 година, ако финансиите не бидат балансирани до 2021 година. Милан не верува дека тие можат да го постигнат последното во рамките на утврдениот рок, па поради тоа е спремен на „џентлменски договор“ со УЕФА.
„Росонерите“ немаат интерес да играат повторно во Лига Европа, па бараат да бидат „исфрлени“, а со тоа ќе можат и слободно да инвестираат на трансфер пазарот. Одговорот на УЕФА се очекува во следните денови.
EXCLUSIVE: #ACMilan want Europa League exclusion; UEFA to respond soon ⌛🔴⚫
By @VitoAngelehttps://t.co/EAOo3r4ATb
— SempreMilan (@SempreMilanCom) June 18, 2019
