Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Милан може да го продаде Матео Мусакио само шест месеци после неговото доаѓање од Виљареал, пренесуваат италијанските медиуми.
27-годишниот Аргентинец минатото лето пристигна на „Сан Сиро“ за сума од 18 милиони евра, но често останува на клупата, бидејќи стоперскиот тандем на „росонерите“ е Бонучи – Ромањоли.
Според „Газета дело Спорт“, Милан бара купец за Мусакио, кој не се снајде баш најдобро во италијанската лига. Притоа, „росонерите“ сакаат со парите добиени за Аргентинецот да донесат друг стопер, кој веќе има искуство во Серија А.
На радарот на Милан се наоѓаат стоперот на Наполи, Никола Максимовиќ и Армандо Ицо од Џенова, чија вредност изнесува околу 15 милиони евра.
Покрај Мусакио во зимскиот преоден рок Милан сигурно ќе го напуштат и Густаво Гомез и Палета, кои оваа сезона воопшто не добиваат шанса.
