Диск голф го освојува светот, а го нема во Македонија!? ↓↓↓
Милан синоќа доживеа срамна елиминација од Лига Европа, откако со 3:1 беше поразен од Олимпијакос во Атина.
После поразот директорот Леонардо директно го обвини судијата за елиминацијата, бидејќи смета дека пеналот за домаќините беше непостоечки.
„Елиминирани сме и сега мораме да направиме анализа. Сепак, мора да се каже дека некои судиски одлуки беа навистина скандалозни. Пеналот воопшто не постоеше, а при првиот гол акцијата мораше да биде прекината. Тешко е да се прифати вакво судење и елиминација од Европа во време кога се користи ВАР“, изјави Леонардо.
„Притоа, атмосферата беше исклучително лоша. Публиката правеше се за да им смета на играчите. На теренот гледавме предмети и по две топки. Судијата мораше да реагира на тоа“, додаде директорот на „росонерите“.
