Холивудската ѕвезда Меган Фокс стана мајка по четврти пат, но овојпат на свет донесе девојче — нејзината прва ќерка!
Актерката ја сподели среќната вест со своите обожаватели, објавувајќи емотивна фотографија на која ја држи рачето на новороденчето. „Таа конечно е овде! Нашето мало небесно семе. 27.3.2025.“, напиша Меган во објавата.
Меган, која веќе има три синови — Ноа, Боди и Џорни — од бракот со Брајан Остин Грин, овојпат го доби детето со својот поранешен свршеник, музичарот Машин Ган Кели. Иако раскинаа во ноември 2024 година, Фокс реши да продолжи самостојно по патот на родителството, без да дозволи крајот на врската да ѝ ја попречи среќата.
И покрај несогласувањата меѓу поранешните партнери, веста за доаѓањето на девојчето предизвика големо внимание во јавноста. Да потсетиме, Машин Ган Кели веќе има 15-годишна ќерка, Кејси, од претходната врска со Ема Кенон.
Додека Меган се радува на новата улога како мајка на ќерка, нејзините фанови ѝ упатуваат најубави желби и поддршка за ова возбудливо животно поглавје!
