Александар Вучковски - сомелиер: Како македонските вина го освојуваат светот? ↓↓↓
Марсело со емотивна порака се збогуваше со својот пријател и соиграч Кристиано Роналдо, кој од следната сезона ќе настапува за Јуевнтус.
Бразилецот напиша дека воопшто не верувал дека ќе дојде тој ден да се збогува од него и му се заблагодари на Роналдо за прекрасните моменти поминати заедно.
„Кој би помислил, Крис! Време е да ти кажам збогум… Ти се колнам, никогаш не помислував дека ќе дојде овој ден, но ништо не е вечно во животот и се надевам дека ќе бидеш многу среќен во новата авантура. Поминавме речиси 10 години заедно, 10 години исполнети со среќа, добар фудбал, победи, порази и прекрасни моменти. Научив многу од тебе, твојата посветеност е најчудната работа што сум ја видел кај некоја атлета. Ти посакувам се најдобро тебе и на твоето семејство“.
„Ќе ми недостасуваат разговорите пред натпреварите кога точно го прогнозираше резултатот и смиреноста која ни ја даваше пред финалињата со твоето искуство и поддршка. Горд сум што играв со тебе, но не поради тоа што си најдобриот фудбалер во светот, туку поради личноста која си. Кога ќе се пензионирам, ќе седнам на пиво и ќе ги раскажам нашите приказни и ќе ги споделам нашите фотографии. Засекогаш искрен М12“, напиша Марсело.
