Диск голф го освојува светот, а го нема во Македонија!? ↓↓↓
Кратко траеше среќата на Барселона. Лео Меси издржа само 45 минути на теренот против Виљареал после што почувствува болка и не можеше да го продолжи натпреварот, пишува Спортски.мк.
Меси седна на тревникот и не стануваше, а тежината на повредата не е позната, иако изгледа дека се работи за лесна повреда поради која не би требало долго да изостанува. Повеќе ќе се знае после прегледите кои ќе бидат направени денес.
Сепак извесно е дека Меси нема да биде спремен за настап против Гетафе следниот викенд па Барселона повторно се наоѓа во проблеми.
„Марка“ пишува дека Меси бил последната сламка за спас за Валверде и дека без него Барселона не може да се врати на победничките патеки.
Меси беше последната шанса за спас на сезоната, а сега со нетрпение во клубот ќе ги чекаат резултатите од неговите прегледи. Ако се покаже дека е потребна повеќемесечна пауза, многумина веруваат дека Барселона нема многу шанси да има сезона каква што се очекува од овој клуб.
