Диск голф го освојува светот, а го нема во Македонија!? ↓↓↓
Извршниот директор на Манчестер Јунајтед, Ед Вудворд, се инспирирал од гласините дека Кристијано Роналдо ќе го напушти Реал Мадрид ова лето. Во последниве денови се погласни се шпекулациите дека Португалецот е пред сензационален трансфер во Јувентус.
Шефот на „црвените ѓаволи“, сепак, е подготвен да се приклучи на наддавањето. За таа цел, Вудворд се ангажирал со задача да ги истражи сите параметри од понудата на Јувентус за Кристиано Роналдо.
Понудата на италијанскиот клуб до Реал Мадрид изнесува 100 милиони евра, а Роналдо ќе добива 30 милиони евра за сезона. Овие суми не се проблем за Манчестер Јунајтед и од „Олд Трафорд“ се подготвени да му понудат на Роналдо слични услови како и договор за три години.
Според „Сан“, Вудворд и бордот на директори на Манчестер Јунајтед не гледаат никаква причина да не се вклучат во битката за Роналдо и да не започнат преговори со неговиот агент Жорге Мендеш. Шефовите на клубот веруваат дека тимот на Жозе Мурињо има потреба од голема ѕвезда, за да се врати на врвот, а привлекувањето на петкратниот освојувач на „Златната топка“ ќе биде голем удар и од маркетиншка гледна точка.
