Српскиот тенисер Новак Ѓоковиќ со убедливи 3-0 го совлада Данил Медведев во финалето на УС Опен, а победата му ја посвети на легендарниот НБА играч, Коби Брајт кој му беше пријател.
Ѓоковиќ одлично го почна мечот со Медведев, го доби првиот сет со 6-3 и поведе со 1-0.
Вториот сет беше неверојатен, траеше дури еден час и 45 минути, а Србинот го доби во тајбрејк со 7-5.
По маратонскиот втор сет, Ѓоковиќ одигра уште еден релативно лесен сет, го доби со 6-3 и дојде до победа од 3-0.
Ова за Ѓоковиќ беше 24. грен-слем титула, тоа е бројот кој на дресот го носеше легендарниот Коби Брајнт. Турнирот се играше во САД, се поклопија сите коцки и Новак му ја посвети оваа победа нему.
Djokovic with a tribute to Kobe after his record breaking 24th Grand Slam
pic.twitter.com/PwBjOdbQhV
— LakeShowYo (@LakeShowYo) September 10, 2023
По крајот на мечот Ѓоковиќ облече маица на која пишуваше Мамба засекогаш, го имаше бројот 24 и слика од двајцата големи шампиони.
„Коби ми беше близок пријател. Зборувавме многу за победничкиот менталитет кога јас имав проблеми со повреди и се обидував да го направам мојот камбек. Тој беше еден од луѓето на кои можев најмногу да се потпрам, секогаш беше тука за совет. Тоа што им се случи на него и неговата ќерка ме погоди длабоко. 24 е дресот кој го носеше кога стана легенда на кошарката. Ова беше симболична работа да му се оддаде признание за сите работи кои ги направи“, рече Ѓоковиќ по мечот.
Novak Djokovic kind words for Kobe Bryant at US Open:
“Kobe was a close friend. We chatted a lot about a winner’s mentality when I was struggling with injury, trying to make my comeback. He was 1 of the people I rely on the most.. he was always there for advice. What happened… pic.twitter.com/1F8nFU2npm
— The Tennis Letter (@TheTennisLetter) September 11, 2023
