Advertisements
Актуелно

Македонската просечна плата најниска во регионов

Според последните статистички официјални податоци за висината на просечните примања на граѓаните во регионот, највисока просечна плата за мај оваа година е исплатена во Словенија во висина од 1.113,88 евра. Најниската просечна плата, пак, ја имале Македонците во висина од 413,67 евра.

Просечната плата во Хрватска изнесува 886 евра, во Црна Гора за јуни била исплатена плата од 516 евра, Босна и Херцеговина има просечна плата од 472 евра, додека Србија 470 евра.

Властите во Македонија постојано потенцираат дека просечната плата во земјава бележи континуиран раст. Владата на СДСМ се стреми во нејзиниот мандат да достигне до зголемување на просечната плата од 500 евра, што засега делува недостижно.

Со просечна плата од 413 евра, примањата на Македонците се непропорционални со трошоците. Според синдикалната кошница на ССМ на четиричлено семејство во месец јуни му требале 531 евро за да ги покрие основните трошоци. Последните статистики на Евростат, пак, говорат дека 61 отсто од Македонците не можат да си дозволат одмор.

Advertisements
To Top