Диск голф го освојува светот, а го нема во Македонија!? ↓↓↓
Денес беше направена презентација на гаснење пожар во контролирани услови со иновативен производ што се додава во водата за гаснење пожари и го спречување ширење на активни пожари адитив-ретардер (Fireless), на компанијата „ВТ Продакшн“, корисник на ко-финансиран грант од Фондот за иновации и технолошки развој.
Околу 15 илјади литри раствор од произвдоот ќе бидат донирани на противпожарните служби во земјава за да се види и неговата практична примена на терен.
На демонстрацијата на производот во противпожарната служба во Скопје, вицепремиерот задолжен за економски прашања и координација на економските ресори Кочо Анѓушев, изјави дека компанијата „ВТ Продакшн“ е добитник на грант од државата за проект во вкупна вредност од 100 илјади евра, од кои 70 илјади евра грант од ФИТР, а околу 30 илјади евра сопствени средства за развој на проектот.
„Станува збор за иновативен адитив што се става во вода за гаснење на пожари. Таков производ нема во регионот и би бил доста корисен. Гледаме колку се актуелни пожарите во овој момент. Средството се меша со водата со која се третира пожарот во некој процент од 12 до 15 проценти. Тие ќе донираат на противпожарните служби 15 илјади литри направен раствор. Се надевам дека овој производ ќе биде комерцијализиран и ќе видиме дека оваа компанија во иднина продава“, изјави Анѓушев.
Посочи дека целта на Фондот е да се поддржат малите и средните компании да ги развијат своите производи и да ги комерцијализираат.
ФИТР во првиот круг минатата година потпиша 133 договори за над 16 милиони евра. Буџетот за оваа година изнесува 10 милиони евра.
Директорот на Фондот за иновации и технолошки развој Јован Деспотовски, рече дека прозводот може да најде примена не само во Македонија, туку и секаде во регинот, бидејќи проблемот со пожарите е присутен.
„Проектот е се уште во фаза на реализација и се уште ги чекаме конечните резултати, иако тоа што го видовме денеска покажува дека сме на вистински пат. Овој проект е дел од 20-тина проекти финансирани во делот на заштитата на животната средина. Некаде околу 200 милиони денари вкупно средства, каде дел се средства на Фондот, дел на самите компнаии, од кои очекуваме ваков тип на видливи резултати кои ќе ги презентираме“, изјави Деспотовски.
Сопственикот на компанијата ВТ Продакшн Владимир Тасевски, рече дека производот е се уште во тек на реализација со цел да се дојде до конечен производ.
„Ова е втора проба и досега сите добиени резултати се позитивни и во рамки на очекуваното. На произвдот работиме подолго време, но се интензивиравме откако го добивме грантот од месец март 2019 година“, изјави Тасевски.
