Француската модна куќа Ермес (Hermes) го надмина светскиот аукциски рекорд бидејќи торбата од тој производител на луксузни модни детали беше продадена за 380.000 долари во Хонгконг, соопшти аукциската куќа Кристи (Christie’s).
Аукциската куќа не го идентификува купувачот на мат бела торба направена од крокодилска кожа.
Торбата е направена во 2014 година и има 18-каратни копчиња украсена со 205 дијаманти.
На аукцијата достигна цена до 380.000 долари што е рекордна сума за торба продадена на аукција, соопшти Кристи.
