Македонските претставници во Лига Европа на денешната жрепка во Нион ги добија противниците во второто квалификациско коло.
Само Работнички имаше среќа во жребот, Пелистер доби тежок противник, а Шкендија ривал кој не е непремостлива пречка.
Работнички настапите во Лига Европа ќе ги почне против Тре Пене од Сан Марино. „Романтичарите“ се апсолутни фаворити во овој двомеч.
Актуелниот освојувач на Купот, Пелистер, го доби најтешкиот ривал, полски Лех Познан, додека Шкендија ќе игра против молдавска Дачија.
Првите мечеви ќе се одиграат на 13 јули, а реваншите една недела подоцна. Работнички во првиот меч ќе биде домаќин, додека Пелистер и Шкендија ќе гостуваат во Полска, односно Молдавија.
