Advertisements
Актуелно

Летото ни одблиску не е при крај: Европа на удар од нов топлотен бран

Според метеоролошките прогнози направени и објавени на веб-страницата „Severe Weather Europe“, наредната недела Европа ќе биде на удар од нов топлотен бран.

Според информациите од споменатата веб-страница, средномерните модели предвидуваат нови топлотни удари што наредната недела ќе зафатат голем дел од Европа.

Се очекуваат температури за 8 до 10 Целзиусови степени повисоки од просекот за средината на септември и тоа во Централна, Западна и во Источна Европа. Такво значајно отстапување од просечните температури значи дека во северниот дел на Европа, во делови од Германија и земјите од Бенелукс, температурите ќе достигнат до 30 степени.

Повисоки температури се очекуваат и во јужниот дел на Европа, така што Франција, Италија и делови од Унгарија, Хрватска и Србија ќе се соочат со температури над 30 Целзиусови степени.

Advertisements

Најпопуларно

To Top