Лепа Брена ја отвори душата: Својата ќерка не сум ја видела, не знам каква е
Пејачката Лепа Брена има богата музичка кариера, а за нејзиниот успех многумина можат само да сонуваат. Сепак, често истакнува дека семејството ѝ е најголемото богатство.
– Виктор и Стефан израснаа во прекрасни и одговорни момчиња, кои си ги работат своите работи. Се гледаме само кога се слободни, и тие и јас – изјави порано Брена, која често нагласува колку ѝ значи поддршката од сопругот.
– Боба на некој начин ги оствари сите мои желби. Тој е многу способен во економијата и бизнисот, а нашиот однос е одличен. Во исто време сме и емотивни и деловни партнери – открила таа за хрватското издание на магазинот Story, споделувајќи дали ѝ е жал што нема ќерка.
– Не ми е жал… Кога имаш машки деца… Жал ќе ми беше ако ги немав нив, бидејќи се мои, ги сакам. Кога мајката си ги сака своите деца, тоа е смислата на животот и вечна љубов, а бидејќи јас не сум ја видела својата ќерка… едноставно не знам каква е (се смее). Немам за што да жалам.
– Па, ќе имам снаи. Имам прекрасна и фантастична снаа – Александра Пријовиќ. Што може човек повеќе да посака? Само нека остане како што е. Имам уште два сина, па чекам нивен избор и се надевам дека ќе биде нешто што прво ќе им одговара ним, а потоа и мене – изјави Брена.
