Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Поради силни физички болки славната поп пејачка Лејди Гага беше хоспитализирана и го откажа својот настап на Rock In Rio во Бразил.
„Сè би направила за вас, но сега морам да се погрижам за себеси“, напиша на својот Инстаграм профил пејачката.
31-годишната Гага неодамна соопшти дека боледува од фибромиалгија, состојба која предизвукува непријатно чувство и болки по целото тело. Таа ги замоли фановите за разбирање и вети дека ќе одржи настап штом ќе се опорави.
Претходно овој месец, пејачката го откажа и настапот во канадски Монтреал, а во октомври требаше да настапи и во Велика Британија.
Неодамна го промовираше документарниот филм Five Foot Two, кој веќе почна да се прикажува во САД, а на 22 септември ќе почне со прикажување и во Велика Британија на Netflix. Со овој документарец Лејди Гага сакаше да ја покаже и другата страна на својата кариера.
