Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Aurora 7 е прототип на лаптоп со 7 монитори и тежина од 12 килограми, производ на компанијата Expanscape. Лаптопот, поточно, доаѓа со еден основен и 6 дополнителни екрани кои се отвораат на сите страни.
На главниот 17.3 инчен екран со 4К резолуција му се придружени три други екрани со иста резолуција. Над левиот и денсиот приказ, се наоѓаат 1200p монитори со дијагонала од 7 инчи. За крај, тука е уште еден 1200p монитор сместен во долниот дел од лаптопот.
За графиката е задолжената „GTX 1060“ графичката карта во комбинација со процесорот „Intel Core i9-9900K“ и 64 GB RAM. „Expanscape“ во конечната верзија доаѓа со „RTX 2070“ и избор меѓу два процесори „AMD Ryzen 9 3950x“ или „Intel i9-10900K“, пренесе „The Verge“.
Лаптопот е дизајниран за надзор на објекти, а предвидено е да не се поместува откако еднаш ќе се постави. Тоа ја објаснува тежината од 12 килограми и две батерии кои можат да издржат околу еден час пред да им затреба полнач.
„Aurora 7“ не е совршен лаптоп, не изгледа како „Razer Project Valerie“, но тоа не ја спречува компанијата „Expanscape“ која наскоро планира да почне со продажба.
