Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
На состанокот кој денес го одржа Комисијата за заразни болести беше одлучено истата да достави предлог до Владата за продолжување на актулените рестриктивните мерки за уште една недела.
Извори од Комисијата за Фактор информираат дека целосно ја следат епидемиолошката состојба и дека има извесно подобрување, но се уште е голем притиското врз болниците. Тоа е главната причина, како што појаснуваат, да предложат продолжување на рестриктивните мерки, односно на полицискуиот час и затворање на угостителските објекти до 27. април.
-Утринава одлучивме да доставиме повторно предлог до Владата, односно до владиниот Кризен штаб, овие мерки кои сега се на сила да опродолжат уште една недела. Практично ќе остамнат на сила истите мерки кои важат до утре, а тоа е забрана за движење на граѓаните после 20 часот до 05 часот изутрина, како и кафулињата, рестораните, кафеаните, сите угостителски објекти да останат затворени. Се предлага и истата мерка, односно забрана на на одржување на семинари, обуки, конференции кои би значеле собирање поголем број луѓе, како и работата на фитнес центрите, вежбалните и така натаму. Значи предлогот е ист за рестриктивните мерки, но наместо до утре бараме да продолжи уште една недела. На ниво на Македонија има некои по0местувања на подобро во однос на епидемиолошката состојба, но, за жал се уште има премногу хоспитализации. Лакувањето трае многу подолго, па од причина што не сакаме да ни се случи целосно блокирање на здравствениот систем ги предлагаме овие рестриктивни мерки, вели за Фактор извор од Комисијата за заразни болести.
Истовремено посочува дека ваквите рестриктивни мерки навистина даваат резултати, а тоа се гледа, како што истакнува, и од постепеното намалување на бројот на новозаразени со корона вирусот на дневна основа.
