Диск голф го освојува светот, а го нема во Македонија!? ↓↓↓
„Интегрираната воздушна и ракетна одбрана на НАТО ја следеше патеката на летот на објектот што потоа се урна во Загреб. Хрватските власти објавија дека го истражуваат инцидентот“, рече Даниеле Риџо, портпарол на НАТО, во е-пошта до Хина.
Се шпекулира дека се работи за беспилотно летало ТУ-141 од советско производство кое стигнало до Хрватска од Украина преку романскиот и унгарскиот воздушен простор. Сите три земји се членки на НАТО.
Министерот за одбрана Марио Баножиќ изјави дека има информации од која земја дошло леталото што синоќа околу 23 часот се урна во Загреб и дека целиот процес на инцидентот може да се поврзе по детална анализа.
На вонредна прес-конференција Баножиќ рече дека авионот бил забележан од радарот и бил следен откако навлегол во хрватскиот воздушен простор.
Авионот влегол во Хрватска во 22 часот и 57 минути, пристигнал од Унгарија, се задржал седум минути и се движел со брзина од 700 километри на час. Хрватскиот претседател Зоран Милановиќ изјави дека се знае за кој објект станува збор, но дека „претходно не добивме никакви информации за претпазливост“, објави Индекс.
