Александар Вучковски - сомелиер: Како македонските вина го освојуваат светот? ↓↓↓
Влијанието на коронавирусот врз двајца кинески лекари од Вухан кои се заразиле од вирусот било до таа мера големо, што нивната кожата потемнела откако се опоравиле од болеста.
Д-р Ји Фан (42) и д-р Ху Вајфенг (42) се заразиле со коронавирус во јануари додека лекувале пациенти во болницата во Вухан.
Затемнувањето на нивната кожа било предизвикано од хормонална нерамнотежа откако нивниот црн дроб бил оштетен од вирусот, изјавил нивниот лекар за кинеските државни медиуми.
Д-р Ји и Д-р Ху исто така работеле со починатиот доктор Ли Венлианг, кој првично ја предупреди светската јавност за коронавирусот, за што бил казнет, а на почетокот на февруари починал од ефектите од инфекцијата.
На двајцата лекари им бил дијагностициран коронавирус на 18 јануари. Тие прво биле сместени во пулмоналната болница во Вухан, а потоа двапати биле пренесени во други болници.
Кардиологот д-р Ји го преживеал Ковид-19, откако лекарите го поврзале со ЕКМО-уред, на кој бил на 39 дена. Тоа е уред кој ја заменува функцијата на срцето и белите дробови и пумпа кислород во крвта.
Кинеската државна телевизија соопшти дека Ји претежно закрепнал. Тој може да се врти во кревет сам, но сепак тешко се движи без помош. Тој исто така призна дека е трауматизиран од оваа болест.
„Кога се освестив, се исплашив. Честопати имав кошмари “, рече тој.
Состојбата на д-р Ху е нешто посериозна. Урологот поминал 99 дена во болнички кревет, а неговиот доктор Ли Шушенг вели дека е загрижен за менталната состојба на д-р Ху.
И тој бил на ЕКМО терапија од 7 февруари до 22 март и можел да зборува повторно на 11 април. Тој сè уште е во единицата за интензивна нега.
Д-р Ли верува дека кожата на овие двајца доктори е затемнета поради конкретниот лек што го добиле на почетокот на третманот, но не прецизирал кој е лекот.
Еден од несаканите ефекти на овој лек е затемнетост на кожата. Нивната боја на кожа се очекува да се врати во нормала откако ќе се опорави црниот дроб, пренесува Дејли Меил.
