Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
92. издание на церемонијалната свеченост за доделување на најпрестижната филмска награда на планетава, популарниот „Оскар“, е закажано за 9 февруари во „Долби“ театарот во Лос Анџелс. Церемонијата нема да има официјален домаќин.
Американската филмска академија ги објави номинациите за престижната награда „Оскар“ која се доделува во 24 категории.
За најдобар филм се номинирани: „Форд против Ферари“, „Ирецот“, „Зајакот Џоџо“, „Мали жени“, „1917“, „Брачна приказна“, „Беше еднаш во Холивуд“ и „Парзит“.
Филмот „Џокер“ води во бројот на номинации, дури 11. Филмовите „Беше еднаш во Холивуд“, „1917“ и „Ирецот“ имаат по десет номинации.
Во категоријата најдобра режија влегоа Мартин Скорсезе („Ирецот“), Тод Филипс („Џокер“), Сем Мендез („1917“), Квентин Тарантино („Беше еднаш во Холивуд“) Бонг Џун Хо („Паразит“).
За најдобра женска улога номинирани се Синтија Ериво („Хариет“), Скарлет Јохансон („Брачна приказна“), Серше Ронан („Мали жени“), Шарлиз Терон („Тие се бомби“) и Рене Зелвегер („Џуди“).
За најдобра машка улога номинирани се Антонио Бандерас („Болка и слава“), Леонардо ДиКаприо („Беше еднаш во Холивуд“), Адам Драјвер („Брачна приказна“), Хоакин Феникс („Џокер“) и Џонатан Прајс („Двајца папи“).
За најдобра споредна женска улога номинирани се Кејти Бејтс („Ричард Џуел“), Лора Дерн („Брачна приказна“), Скарлет Јохансон („Зајакот Џоџо“), Флоренс Пју („Мали жени“) и Марго Роби („Тие се бомби“).
За најдобра споредна машка улога номинирани се Том Хенкс („Убав ден во соседството“), Ентони Хопкинс („Двајца папи“), Ал Пачино („Ирецот“), Џо Пеши („Ирецот“) и Бред Пит („Беше еднаш во Холивуд“).
Во категоријата најдобар документарец, покрај „Медена земја“, избрани се уште четири филма: „Американска фабрика“, „Пештерата“, „Работ на демократијата“ и „За Сама“.
Во категоријата најдобар странски филм во изборот влегоа: „Медена земја“, „Корпус кристи“, „Клетници“, „Болка и слава“ и „Паразит“.
