Диск голф го освојува светот, а го нема во Македонија!? ↓↓↓
Во Собранието вчера се одржа седница на Буџетскиот совет на која беше изгласана одлука за давање на согласност за изменување и дополнување на Буџетот на Собранието за 2023 година иницирана од барањето на Министерството за финансии во контекст на ребалансот на Буџетот за 2023 година.
„Согласно одлуката, се известува Министерството за финансии дека Собранието има потреба од зголемување за 95.5 милиони денари од кои најголем дел за зголемување на платите на вработените за 10 отсто и на 124 функционери за 78 отсто. Исто така по основ на други ставки има намалување на собранискиот буџет за 19.5 милиони денари. Буџетскиот совет донесе Стратешки план на Собранието за периодот 2024-2028 година, а пратениците дадоа согласност и за планот за вработување во службата за вработување за 2024 година. За следната година планирани се 31 ново вработување и 37 унапредувања, 15 вработени заминуваат во пензија, а се испразнуваат и 28 места други места по други основи. Од 2018 до 2022 година реализирани се 90 унапредувања во собраниската служба, а за оваа година планирани се 25 коишто сѐ уште не се реализирани“, пишува во дел од одлуката на Буџетскиот совет.
Пратениците донесоа и одлука за Предлог на буџет на Собранието за 2024 година вреден 905.5 милиони денари.
