Александар Вучковски - сомелиер: Како македонските вина го освојуваат светот? ↓↓↓
Компанијата Kodak, која долги години беше позната по фотоапаратите, го претстави Kodak Ektra, првиот паметен телефон со професионална камера.
Последното технолошко достигнување на компанијата, која постои од далечната 1888 година, оригиналната Kodak Ektra камера ја претстави во 1941 година, а нејзиното последно достигнување им ја отвора креативната можност на сите оние на кои им е важен квалитетот на фотографијата“, рече Џеф Кларк, извршен директор во Kodak.
Тој додаде дека камерата ќе биде посебно ефикасна во послабо осветлени простории.
„Ќе ви помогне со различни видови на фотографии“, рече Кларк, при тоа нагласувајќи дека станува збор за Андроид телефон што го краси главна камера од 21 мегапиксел, додека предната камера има 13 мегапиксели. Со паметниот телефон доаѓа и посебна апликација за обработка на фотографиите.
Што се однесува до техничките карактеристики, тука е пет инчниот 1080п дисплеј, 3ГБ рам, 32ГБ внатрешна меморија, можност за 4К видео и микроСД конектор.
Цената изнесува 550 долари, околу 30.000 денари, а како ќе помине на пренатрупаниот пазар со паметни телефони, останува да се види.
