Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Виенскиот градоначалник Михаел Лудвиг ја критикуваше „картата на исламот“ која минатата недела ја претстави министерката за интеграции Сузана Раб, истакнувајќи дека картата придонесува на создавање раздор во општеството.
„Принципиелно ја отфрлам стигматизацијата на верите“, истакна Лудвиг за виенскиот весник Стандард.
Тој истакна и дека „картата на исламот“ не придонесува на интеграцијата, туку поттикнува на раздор во општеството.
„Јасно се определувам за соживот со почитување на сите во нашиот град и нашата земја“, истакна Лудвиг.
Министерката Раб поради ова му префрли на Лудвиг „водење на политика на ној“, односно избегнување на одговорноста.
„Наместо, како главниот град, да ги игнорираме проблемите и реалноста, мене ми е важно да создадам транспарентност“, објасни министерката Раб.
Кажа дека владата прави разлика меѓу исламската вера и установите кои поттикнуваат интеграција, како и политичкиот ислам и проблематичните струи и идеологии.
In D haben Nazis 2015 einmal eine Karte mit Flüchtlingsunterkünften ins Netz gestellt.
In Ö übernimmt so etwas mittlerweile die Bundesregierung. #Islamlandkarte pic.twitter.com/SZoHsdwUMF
— Fabian Goldmann (@goldi) May 27, 2021
Додаде дека картата, која ја изработиле експерти, покажува каде се наоѓаат џамиите со кои управуваат турскиот претседател Реџеп Таип Ердоган или екстремистичката група Сиви волци, каде се шират турската националистичка идеологија и антисемитизмот.
Претходно Исламската младина на Австрија (МЈО) го критикуваше актот на министерката Раб и најави правни мерки.
И Виенскиот универзитет побара од картата да се тргне нивното лого, укажувајќи дека не стојат зад тој документ на кој работеле експерти од универзитетот.
На „картата на исламот“ се наведени повеќе од 600 муслимански здруженија и организации, како и приватни адреси.
