Кој ќе тепа на Ел Класико!? ↓↓↓
Уругвајскиот фудбалер Себастијан Абреу официјално потпиша договор со Аудакс Италијано и со тоа постави нов Гинисов рекорд.
„Лудакот“, како што го викаат, можеби не е планетарно познат како некои негови сонародници, но сепак влезе во историјата на фудбалот.
Имено, чилеанската екипа Аудакс е 26-от клуб во фудбалската кариера на Абреу, бројка која не успеал да ја реализира ниту еден друг фудбалер во поновата историја.
Абреу има 41 година и засега не размислува за пензија, а со последниот трансфер го остави зад себе германскиот голман Луц Фаненштајл кој долги години беше играч со најмногу променети клубови.
Кариерата Абреу ја започна во Дефенсор од Монтевидео, а покрај останатите клубови има играно и за Сан Лорензо, Депортиво Ла Коруња, Монтери, Ривер Плата, Гремио, Реал Сосиедад, Ботафото…
вреди да се нагласи дека Абреу каде и да настапуваше ги решетеше противничките мрежи. Има постигнато преку 400 голови во својата кариера, а за уругвајската репрезентација запиша 70 настапи.
