Александар Вучковски - сомелиер: Како македонските вина го освојуваат светот? ↓↓↓
Европските гиганти буквално „полудеа“ по новата бразилска ѕвезда Лукас Пакета од Фламенго.
Пакета блеска во дресот на Фламенго, а неодамна дебитираше и за бразилската репрезентација, па во моментов важи за еден од најголемите бразилски таленти и му се предвидува блескава иднина.
Европските гиганти веќе ја започнаа трката за неговиот потпис, па нема да биде чудно ако Пакета го гледаме во Европа уште од јануари.
Милан, Јувентус, ПСЖ и Барселона се силно заинтересирани да го донесат Пакета во своите редови, а италијанските медиуми тврдат дека „росонерите“ имаат „ас“ во ракавот.
Имено, Рикардо Кака веќе ја започнал мисијата и имал неколку средби со својот сонародник да го убеди да го избере Милан.
Пакета има откупна клаузула од 50 милиони евра, а најголем конкурент на Милан во моментов е ПСЖ кој е спремен веднаш да ја активира клаузулата.
Италијанските медиуми тврдат дека токму Кака може да одигра клучна улога и да го убеди да го избере Милан пред ПСЖ, бидејќи на „Сан Сиро“ има помала конкуренција и сигурно ќе добива поголема минутажа.
Останатите клубови внимателно ја следат ситуацијата, па нема сомнеж дека Бразилецот наскоро ќе се пресели во Европа… останува да видиме во кој клуб.
