Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Еден од возовите на јапонска железничка компанија која делува во секторот за јавен патнички железнички сообраќај тргнал од станицата 20 секуди пред определеното време за поаѓање.
Поради тоа, од управата компанијата задолжена за линијата „Цукуба експрес“ помеѓу Токио и Цукуба упатија јавно извинување до патниците и останатата јавност.
„Искрено се извинуваат заради непријатноста предизвикана со прераното тргнување“, пренесува Би-би-си.
Во соопштението се наведува дека возот требало да тргне точно во 09:40:40 по локално време, но наместо тогаш, заминал во 09:40:20, затоа што екипажот не го проверил добро распоредот, пренесува „Фена“.
Tokyo train company’s apology for 20-second-early departure is one of the best things about Japan https://t.co/chfzE5uZMU
— Stan Yee (@stanyee) November 16, 2017
Во соопштението се додава дека немало никакви жалби на прераното тргнување од станицата Минами Нагарејама, северно од Токио.
Многу корисници на социјалните мрежи реагирале изненадено на соопштението на оваа компанија. „Цукуба експрес“ ги пренесува патниците од Акихабара во источен Токио до градот Цукуба за околу 45 минути.
Возовите во Јапонија ретко кога поаѓаат во поинакво време од наведеното во распоредот. Јапонските железници спаѓаат во најсигурните на светот.
