Диск голф го освојува светот, а го нема во Македонија!? ↓↓↓
Вардар утре го пречекува Реал Сосиедад во рамките на третото коло од Лига Европа и се надева дека на домашен терен ќе ги освои првите бодови во групата.
Тренерот Чедомир Јаневски верува дека неговиот тим може да дојде до позитивен резултат и да ги освои првите бодови во Европа.
„Утре имаме противник за респект, екипа која завршува секоја сезона меѓу првите пет. Знаевме дека Зенит и Сосиедад во групата се фаворити, но ние од натпревар во натпревар ја подобруваме играта. Очекуваме да ги освоиме утре првите бодови во Европа. Добро ги анализиравме, сакаат да имаат посед, играат на гол повеќе и офанзивно. Треба да сме концентрираме од почеток до крај и да ги искористиме нивните слабости. Веруваме во својот квалитет и верувам дека ќе направиме добар резултат“, истакна Јаневски.
„Мислам дека утре не очекува добар меч, исклучително важен за нас. Сугурен сум дека сите ќе дадеме 100% утре на терен. Очекувам публиката да ни даде максимална поддршка. Сите знаеме како треба да играме и ќе ги исполниме сите задачи што ни се дадени од тренерот“, изјави Барсегјан.
