Диск голф го освојува светот, а го нема во Македонија!? ↓↓↓
Според најавите од операторите, комуникациската 5G мрежа би требало да овозможи масовно вмрежување на интернет, да ни ги трансформира животите и деловните односи меѓу луѓето, но и да стане темел за развој на паметни дигитални општества.
Иако комерцијалната употреба на светско ниво на 5G мрежата треба да започне во 2020 година, некои големи компании како T-Mobile, Vodafone и кинескиот и корејскиот Телеком, веќе спроведоа пробно лансирање на оваа технологија во голем број земји – од Кина, преку САД, до Германија и Хрватска. На почетокот од декември, 2018 година, сите оператори во Јужна Кореја истовремено ги лансираа 5G услугите.
Verizon во САД овозможи пристап до 5G мрежа на неколку локации и ги покани технолошките новинари и репортери да ја испробаат истата. Џорџ Коронес на Твитер објави снимка од тест на брзината на симнување на 5G мрежа со новиот Samsung Galaxy S10 (пуштен во продажба минатиот месец), а снимката стана вирална на социјалните мрежи.
This is 5G on the brand new Samsung Galaxy S10 5G in front of my hotel. It’s crazy the difference a month makes. #FirstToRealTime pic.twitter.com/Syxc7HGrqn
— George L. Koroneos (@GLKCreative) May 16, 2019
Сите кои ја видоа оваа снимка беа фрапирани и фасцинирани од брзината на симнување на 5G мрежата со капацитет од 1.098 мегабита во секунда (1 гигабит во секунда).
Според овие параметри, на 5G мрежа можете да симнете „full HD“ верзија на некој филм за само неколку секунди. И резултатите од другите беа импресивни. „Три теста на 1 гигабит во секунда + еден на 750 мегабита и еден на 643 мегабита во секунда“, објави репортерката Џесика Долкорт од CNET.
Willis Tower is definitely a place where you want 5G, and this node has been consistently delivering. Three tests at 1Gbps+, one at 750, one at 643 (side by side with a 4G test) #Verizon #GalaxyS105G @cnet pic.twitter.com/KSSyVKDPl7
— Jessica Dolcourt (@jdolcourt) May 16, 2019
