Диск голф го освојува светот, а го нема во Македонија!? ↓↓↓
Извршниот директор на технолошкиот и интернет гигант Google и Alphabet од Брисел, Сундар Пичаи, апелираше дека е потребна глобална регулација на вештачката интелигенција со законска регулатива од државата.
Според него, компаниите кои развиваат вештачка интелигенција имаат сопствени правила за нејзината употреба, но тој смета дека тоа не е доволно и дека не може да се потпреме само на довербата во тие компании и нивното почитување на своите правила.
„Иако вештачката интелигенција ветува огромни бенефити за Европа и светот, постои сериозна загриженост за потенцијалните негативни последици на вештачката интелигенција“, изјави Пичаи на настан организиран од економскиот тинк-тенк, Бругел во Брисел.
Во прашање е, меѓудругото, развојот на технологиите како препознавање на лица „дип фејк“, односно капацитетот на технологијата за модифицирање на гласот.
Првиот човек на Google смета дека технологијата може да биде злоупотребена и дека нејзините „нус ефекти“ треба да се превенираат.
Според него, постоечката законска рамка на Европската Унија за заштита на личните податоци, позната како ГДПР, може да биде добра основа за регулирање на областа на вештачката интелигенција смета тој.
Засега ЕУ е единствениот регион на светот со ваква проактивна заштита на личните податоци. Пичаи денеска повика на усогласеност на меѓународно ниво во однос на регулацијата, но ЕУ и САД имаат многу различен пристап кон овие прашање.
Европската Комисија треба во текот на наредните денови да обелодени нова стратегија за регулирање на вештачката интелигенција за наредните пет години.
