Диск голф го освојува светот, а го нема во Македонија!? ↓↓↓
Јана и Софија го делат првото место како најчести женски имиња за новороденчиња, а со убедливо водство кај машките имиња е Лука – дури 213 родители на своето дете му го дале ова име, покажуваат последните податоци на Државниот завод за статистика.
Во 2021 година меѓу најпопуларните имиња кај новородените женски бебиња се Јана, Софија, Ана, Мила, Хана, Бисера, Мелек, Алина…, додека кај машките деца најчести имиња се Лука, Дамјан, Михаил, Марко, Ајан, Амар, Хамза….
Како специфични имиња кои родителите им ги даваа на своите новороденчиња се Аника, Инара, Асја, Бора, Дуа, Олег, Јан, Тиар и Арт.
Според Државниот завод за статистика, минатата година се родиле 18 648 бебиња, од кои 9 531 машки и 9 117 женски.
Според месецот на раѓање, како што покажува статистиката, најголем број дечиња се родени во јули, дури 1 735.
