Александар Вучковски - сомелиер: Како македонските вина го освојуваат светот? ↓↓↓
Аргентинскиот голгетер Гонзало Игуаин пред неколку дена го комплетираше трансферот во Челзи, каде ќе игра како позајмен фудбалер до крајот на сезоната, а потоа „сините“ ќе имаат право да го откупат.
Игуаин се присети на 2016 година кога после Копа Америка имал намера да стави крај на кариерата, откако дознал дека неговата мајка Ненси е тешко болна.
„Веднаш донесов одлука да престанам со кариерата за да се грижам за мајка ми. Бев во шок кога дознав дека е болна. Цел свет ми се сруши. Ништо не ме интересираше, освен тоа да и помогнам. Меѓутоа, таа ми рече дека нема да дозволи да го напуштам тоа што го сакам“, открива Игуаин.
„Ми рече дека не може да допушти јас да се откажам од моите соништа и знаеше дека можам да се грижам за неа иако сум во Европа. За мене семејството и пријателите се на прво место, а потоа фудбалот“, додаде Аргентинецот.
