Диск голф го освојува светот, а го нема во Македонија!? ↓↓↓
Иако по поразот од Тотенхем „Скај Спорт“ објави дека управата на „црвените ѓаволи“ ќе му изгласа доверба на Жозе во наредните натпревари, во соблекувалната постојано се зборува дека крајот на оваа тренерска ера ќе дојде наскоро.
Имено, играчите на Манчестер Јунајтед веруваат дека Жозе Мурињо ќе биде отпуштен од функцијата при пораз од Барнли следниот викенд, пишува „Сан“.
Според изданието, самите фудбалери не се задоволни од начинот на кој Португалецот раководи со тимот, како и од тактиката која ја прави за натпреварите. Најскапата аквизиција во историјата на тимот – Пол Погба, изјави дека „никој во моментов не знае што се случува“.
Манчестер Јунајтед ја започна сезоната со два порази во првите три кола, што е најлошиот старт за Јунајтед во изминатите 26 години.
Според букмејкерите на Островот, Мурињо е со најголеми шанси да биде првиот отпуштен менаџер во сезоната, а како негови наследници веќе се споменуваат Зинедин Зидан и Антонио Конте.
