Advertisements
Спорт

Идеалниот тим на Примера без ниту еден играч на Реал Мадрид (фото)

Традиционално после завршувањето на секоја сезона во шпанскиот шампионат се прави избор на најдобриот тим на сезоната во Примера.

Титулата повторно беше освоена од страна на Барселона, а Реал Мадрид доживеа потполно фијаско со оглед на тоа дека заврши на третата позиција и со 19 бодови помалку од Каталонците.

Поради тоа оваа година во идеалниот тим на Примера не се најде ниту еден играч на Реал Мадрид. Порталот WhoScored.com при изборот во предвид ги земенаше и просечните оцени кои секој играч ги добиваше за време на сезоната.

На голот на овој тим се наоѓа голманот на Атлетико Мадрид, Јан Облак, десен бек е Пења од Еибар, а лев неговиот соиграч Коте, додека стопери се Пике од Барселона и Марипан од Алавес.

Средниот ред е составен од Дани Парехо од Валенсија, Родриго од Атлетико, Дембеле и Меси од Барселона, додека во нападот се Луис Суарез од Барса и Јаго Аспас од Селта.

Advertisements
To Top