Advertisements
Спорт

И Мурињо е убеден: Азар ќе се пресели во Реал Мадрид!

Иднината на Еден Азар е главна тема ова лето бидејќи се погласни се шпекулациите дека ќе се пресели во Реал Мадрид.

Коментар на оваа тема даде и Жозе Мурињо, кој исто така е убеден дека финалето во Лига Европа ќе биде последен меч на Белгиецот во дресот на Челзи.

„По се изгледа, тоа ќе биде последниот меч за Азар во синиот дрес. Тој е играч кој секогаш бил од круцијално значење за Челзи. Ќе сака да победува и најверојатно оди во Мадрид со последниот трофеј од Челзи. Од друга страна, екипата која е под поголем притисок е сигурно Арсенал, кои бараат место во ЛШ, Челзи тоа веќе го има осигурано“, смета Португалецот.

Реал Мадрид сака да го донесе Еден Азар и се говори дека неговиот трансфер е завршена работа и официјална потврда ќе пристигне по финалето во Лига Европа, кое на програмата е на 29-ти мај.

Advertisements
To Top