Бугарската Комисија за уставни прашања на бугарското Народно Собрание денес заседава со иницијатива за прогласување на 24 Мај, Денот на Светите Кирил и Методиј за национален празник на бугарските просветители, пренесуваат бугарските медиуми.
Претставници на коалицијата ПП-ДБ (Продолжуваме со промената и Демократска БУгарија) велат дека за предложените измени во Уставот имаат широк политички договор.
Освен ова, предложени се и измени во Уставот на Бугарија што се однесуваат на раздвојување на Судскиот совет од Советот на обвинители и воведување на институтот уставна жалба.
Денеска и во Комисијата за уставни прашања на македонското Собрание почнува расправата за измени во Уставот на Македонија кои се однесуваат на додавање делови од народи во Преамбулата, меѓу кои и на бугарскиот народ.
