Актуелно

Хорор во Велес: Три дечиња прегрнати изгореле во пожар – таткото мислел дека избегале

Ужасна трагедија ги потресе вележани вчера попладне кога трите малолетни деца на Никола Давчевски и Марина Антониевска од Велес изгореа во пожар кој избил во собата во која живееле.

Децата биле сами дома, родителите ги заклучиле во собата и излегле до продавница. Соседите велат дека ги виделе пламените јазици некаде пред 16 часот и веднаш ја алармирале противпожарната служба, но додека пожарникарите стигнале, децата веќе биле мртви.

Од извори блиски на истрагата дознаваме дека остатоците на изгорените тела биле најдени легнати еден врз друг. Никола и Марина со малолетните деца и уште еден 19 годишен посинок биле социјално загрозено семејство. Соседите раскажуваат дека тука се населиле пред околу две години, но ретко контактирале со луѓе.

Додека траеше увидот родителите им раскажуваа на инспекторите и обвинителката што се случило. Од она што можеше да се слушне, семејството живеело од собирање и продавање пластични шишиња. Откако увидот заврши, родителите Никола и Марина беа однесени на распит во полициска станица, а во две најлонски кеси, остатоците од изгорените тела беа однесени на обдукција.

Освен дека е дадена наредба за аутопсија, други официјални информации околу причината за пожарот нема. Од обвинителството велат дека утре ќе има првични сознанија за тоа што се случило во куќата, во која изгореа три деца.

Извор: 24 Вести

loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top