Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Две штали, пет животни и многу резерви на храна изгореа во пожар кој избувнал рано утринава на имотот на семејството Есати во Бозовце на Шар Планина. Пожарот оштетил и неколку околни куќи, но без последици.
Пожарот избувна од два и пол часот. Дојдоа селани и ми кажаа дека гори. Кога излеговме веќе се беше завршено. Изгореа четири крави и еден коњ, телето, кравата, коњот се целосно изгорени. Имавме 700 килограми жито и 500 килограми брашно и тие се уништени, изјавува Самет Есати, сопственик на објектите.
Причините за пожарот се уште не се познати, но домаќинот е сигурен дека тоа сигурно не била струја затоа што во шталите немало електрична инсталација. Огнот го гаснеле пожарникари и месното население.
Освен овие штали, од пожарот била зафатена и една станбена куќа во која имало жители, но нашиот ангажман беше максимален и синоќа работевме во многу тешки услови бидејќи температурите беа многу ниски, до минус 27, минус 28 степени. Ја спасивме куќата, жителите ни помогнаа многу и благодарен сум што се солидаризираа со нас, изјави Ука Алити, командир на Противпожарната територијална единица
