Уствари викендов е затишје пред бура! ↓↓↓
Холандските полициски служби објавија дека го уапсиле лицето кое вчера отвори оган на трамвај во Утрехт, напад во кој загинаа 3 лица, а повеќе беа повредени.
Напаѓачот уште претходно беше идентификуван како 37-годишник со турско потекло Гекман Танис.
Точниот мотив за нападот уште не е познат. Холандскиот јавен обвинител кажа дека мотивот за нападот во Утрехт може да се „семејни причини“.
Тоа претходно го јави и турската агенција Анадолија која јави дека Танис пукал во своја роднина од „семејни причини“, а потоа пукал и во другите кои ѝ притрчале на помош.
Verdachte recht voor mijn huis opgepakt #Utrecht #24oktoberplein pic.twitter.com/yypnuVAxKt
— Max (@maxuitutrecht) March 18, 2019
Полицијата најпрво објави дека се разгледува можниот терористички мотив за нападот, а подоцна беше соопштено дека се истражува и личниот мотив.
Како што јавуваат холандските медиуми, осомничениот има поголемо полициско досие и, меѓу другото, бил осуден и за обид за убиство. Во моментов е обвинет за силување.
Антитерористичката агенција НЦТВ наведе дека сѐ уште не е исклучено во заднината на нападот да стои тероризам.
Највисокото ниво на опасност од терористичка закана во покраината Утрехт беше укината по апсењето на Танис, а претходно беше повлечено и предупредувањето на граѓаните на Утрехт да не излегуваат од дома.
