Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Ули Хенес уште еднаш даде замерка на односот на Манчестер јунајтед кон поранешниот играч на Баерн Минхен, Бастијан Швајнштајгер и му даде прекрасен совет на фудбалерот.
Швајнштајгер пристигна како големо засилување за Манчестер Јунајтед, но наскоро неговиот престој на „Олд Трафорд“ се претвори во кошмар. Поранешниот капитен на германската фудбалска репрезентација оваа сезона не одигра ниту една минута, а Мурињо дополнително го казни и го префрли да тренира со младинскиот состав.
Швајнштајгер има договор со Јунајтед до 2018 година, а „црвените ѓаволи“ сакаат предвреме да ја прекинат соработиката бидејќи Германецот е еден од најплатените фудбалери во тимот.
Сепак, Ули Хенес го советува Швајни дека треба до последен цен да му наплати на англискиот клуб, а во меѓувреме да ужива и да се шета со неговата сопруга Ана Ивановиќ.
„Јас да сум на негово место, ќе ги натерав луѓето во Манчестер да ми исплатат сѐ до последниот цент. Ќе играв голф и ќе ја следев Ана Ивановиќ по тениските мечеви“, вели Хенес.
„Треба да го казнат Јунајтед, да го натераат да плати за сѐ. Го заслужија тоа. Швајни е среќен човек бидејќи има таква прекрасна сопруга и треба да ги постави животните приоритети на друг начин“, заклучи Хенес.
