Александар Вучковски - сомелиер: Како македонските вина го освојуваат светот? ↓↓↓
Без конкретни мерки против загадувањето на воздухот заврши денешната средба на градоначалниците од скопскиот плански регион.
Тие само дискутираа како да се намали загадувањето. Градоначалникот на Град Скопје, Коце Трајановски, по средбата повика да не се политизира темата и да се соработува за решение на проблемот.
Градоначалниците разговарале за некои од можните решение кои би придонеле за помало загадување, па на маса биле ставени предлози како намалување на цената на парното греење, потоа како повеќе домаќинства да се приклучат кон топловодната мрежа, станало збор за субвенционирање на разни видови греење, а забрана на користење на недозволиви материјали за затоплување, потоа за изградба на велосипедски патеки.
Ќе продолжи и прскањето на сообраќајниците со средство за контрола на прашината, а ќе биде повторено и барањето да се вози пар-непар. На социјалните мрежи, пак, за в среда се повикува на протест против загадениот воздух.
