Глигор Чемерски со инаугурациска изложба во Москва


Вака се слави гол во 120-та минута!!! ↓↓↓


Во галеријата „Зураб Цератели“ во Москва денеска ќе биде отворена изложба на уметникот Глигор Чемерски, со наслов „Настани и знаци на земјата македонска“.

Отворањето на изложбата е во чест на инаугурацијата на академик Чемерски во почесен член на Руската академија на уметностите „Императорска“ како прв уметник од Македонија во Академијата.

На изложбата ќе бидат претставени 43 дела од повеќе циклуси на авторот, како своевидна ретроспектива на неговото повеќедецениско творештво.

Изложбата на Чемерски во галеријата „Зураб Цератели“, која го носи името на големиот руски уметник, ќе биде отворена до 10 јануари 2015.

Организатор на настанот е македонската галерија „Грал“ во соработка со Руската академија на уметностите и со поддршка на министерствата за култура и за надворешни работи и на МАНУ.