Диск голф го освојува светот, а го нема во Македонија!? ↓↓↓
Хамес Родригез и неговата сопруга Даниела Оспина, со која беа во брак шест и пол години, одлучија да се разведат. Како главна причина за разводот ја наведуваат долгата разделеност бидејќи Хамес е во Германија, додека Даниела има обврски во родната Колумбија.
Даниела одлуката за развод ја објави преку својот Инстаграм профил.
„Даниела Оспина и Хамес Родригез, родители на Саломе Родригез Оспина, официјално се разведоа после 6,5 години поминати во брак. И двајцата се најдоа пред професионални предизвици во други држави. Даниела во Колумбија развива сопствен моден бренд, а Хамес е во Германија, спремен за нови победи и подготвен државата да ја исполни со гордост. Ќе остане присутен во животот на Даниела, а Саломе ќе го поддржува во текот на кариерата“, стои во соопштението од сопругата на Родригез.
Сепак, изгледа дека причината за разводот е од сосема поинаква природа. Хамес наводно повторно се поврзал со руската манекенка Хелга Лавкети, со која го запозна Кристиано Роналдо. Уште минатата година се појавија гласини дека Хамес ја изневерил сопругата со 23-годишната сексапилна манекенка, а сега наводно повторно завршиле заедно, што Даниела не можела да го поднесе и побарала развод.
