Александар Вучковски - сомелиер: Како македонските вина го освојуваат светот? ↓↓↓
Траги стари половина милион години од мистериозни древни луѓе кои живеела во Западна Африка беа откриени од страна на научниците. Тие веруваат дека нивните гени сè уште живеат во луѓето.
Оваа „архаична популација на луѓе-духови“ се чини дека се оддалечила од современите луѓе пред неандерталците да се разделат од семејното дрво, се наведува во студијата објавена во списанието Science Advances, пренесува CNN.
Поделбата се случи пред околу 360.000 до 1 милион години, според истражувачите на Универзитетот во Лос Анџелес (UCLA). Овие древни луѓе имале деца со предците на денешните Африканци, како што неандерталците се репродуцирале со предците на модерните Европејци, пишуваат генетичарите Арун Дурвасула и Срирам Санкарараман, забележувајќи дека ДНК на ова архајско население сочинува 2 до 19 проценти од генетското наследство на современите луѓе во Западна Африка. .
Студијата открила постоење на неандерталска ДНК кај современото европско население. Истражувачите од UCLA велат дека повеќе студии откриле траги на древните линии во потеклото на денешните Африканци, но дека природата на овие гени останала слабо разбрана. Ова делумно се должи на ретките фосилни записи во Африка и тешкотијата во извлекувањето на древната ДНК.
Научниците од UCLA создале „геномски мапи на архаичното потекло“ за четири етнички западноафрикански популации во Нигерија, Сиера Леоне и Гамбија.
Истражувачите споредиле 405 геноми на луѓе од Западна Африка со гените на Неандерталците и испитувале дали има вкрстувања со непознати хоминиди чии предци се разделиле од човечкото семејство пред неандерталците.
Професорот Џоел. Д. Ирланд, биоархеоолог од Универзитетот во Ливерпул, раскажува дека веројатно имало повеќе антички човечки популации: „Мислам дека во еден момент имало различни типови популации, при што генетиката е доволно различна за да изгледа различно. Сите се дружеле со сите. Мислам дека ќе откриеме повеќе за овие „популации на луѓе-духови“ “.
Откако ги добиле првите геноми од хоминидите од каменото време, научниците во 2010 година откриле дека древните предци на денешните Европејци, Азијци и Американци се мешале со неандерталците.
