Диск голф го освојува светот, а го нема во Македонија!? ↓↓↓
Согласно статистичките податоци на германската Федерална служба за статистика „Дестатис“, германската економија во првиот квартал од 2023 година забележала пад од 0,3 отсто во однос на претходниот квартал.
Во последниот квартал од 2022 година, германскиот БДП падна за 0,5 отсто во однос на третиот квартал од таа година, а негативниот економски раст во два последователни квартали е знак за рецесија за многу економисти.
Економскиот развој го кочи падот на приватната потрошувачка, бидејќи германските домаќинства трошеле помалку на храна, пијалоци, облека и обувки, како и мебел, а овој сегмент бележи пад од 1,2 отсто во однос на претходниот квартал.
Во овој квартал, помалку Германци решија да купат нови автомобили. На квартално ниво, инвестициите во градежниот сектор се зголемени за 3,9 отсто, а инвестициите во опрема, пред се во машини, опрема и возила, за 3,2 отсто, објавено е на веб-страницата Дестатис.
Во споредба со првиот квартал од 2022 година, германската економија падна за 0,5 отсто, што е значително повеќе од очекувањата на пазарот за годишен пад од 0,1 отсто.
