Диск голф го освојува светот, а го нема во Македонија!? ↓↓↓
Во интервју кое го даде за ТВ 21, адвокатката на бившата СЈО шефица и бивша јавна обвинителка Катица Јанева, Ирена Фрчкоска, објаснува дека Јанева има право да поднесе тужба на одлуката за нејзино разрешување. Но, додава дека дали тоа ќе го направи ќе одлучат откако ќе ја примат одлуката за разрешување.
„Законот дозволува на Јанева да поднесе тужба за разгледување на одлуката за разрешување и да бара соодветен надомест доколку се утврди дека е разрешена на незаконит начин. Но, прво треба да ја примиме одлуката, па ќе видиме како ќе постапиме“, рече адвокатката.
Деновиве истекува и 30-дневниот притвор на Катица Јанева. Фрчкоска најави дека во текот на денешниот ден ќе го достават барањето за укинување на мерката притвор, а како гаранција ќе го понудат нејзиниот имот.
